Email Newsletter icon, E-mail Newsletter icon, Email List icon, E-mail List icon Sign up for our Email Newsletter






     

2009_Feb

 
ՀԱՂՈՐԴԱԳՐՈՒԹԻՒՆ - Համազգայինի Արեւմտեան Միացեալ Նահանգերու Շրջանային 15-րդ Ներկայացուցչական ժողով

Փետրուար 2009

Համազգայինի Արեւմտեան Միացեալ Նահանգերու Շրջանային 15-րդ Ներկայացուցչական երկօրեայ ժողովի պաշտօնական բացումը տեղի ունեցաւ Ուրբաթ, 20 Մարտ, 2009-ի երկոյեան ժամը 7:30-ին, ՀՕՄ-ի Շրջանային Վարչութեան Կլէնտէյլի կեդրոնատեղի սրահին մէջ:

Ժողովի բացման հանդիսութեան Համազգայինի Կեդրոնական վարչութեան շրջանիս ներկայացուցիչ ընկ. Եդուարդ Մսրլեանի կողքին ներկայ էին նաեւ Արեւմտեան Թեմի առաջնորդ՝ Մուշեղ արք. Մարտիրոսեան, ՀՀ Լոս Անճելըսի Գլխաւոր նորանշանակ հիւպատոս՝ պր. Գրիգոր Յովհանիսեանի, ՀՅԴ Բիւրոյի ներկայացուցիչ՝ դոկտ. ընկ. Վիգէն Յովսէփեան, ՀՅԴ. Կեդրոնական Կոմիտէի ներկայացուցիչ՝ ընկ. Սեդօ Պօյաճեան, Համազգայինի Կեդրոնական Վարչութեան անդամ-Սուիրոյ ներկայացուցիչ՝ ընկ. Վահէ Ժամագործեան, Համազգայինի Արեւելեան Ամերիկայի Շրջանային վարչութեան ատենապետ՝ ընկ. Զայրմայր Սեդրակեան, ՀՕՄ Շրջանային վարչութան փոխ ատենապետուհի՝ ընկհ. Սօսի Փոլատեան, ՀՄԸՄի Շրջանային վարչութիւնէն՝ Վարդան խալաթեան, Պոսթընէն «Արմէնյէն Ուիքլիի» խմբագիր Պօղոս Մուրատեան, Մոթրէալէն՝ «Հորիզոն» շաբաթաթերթի խմբագիր՝ Վահագն Գարագաշեան, «Ասպարէզ» օրաթերթի խմբագիր՝ Աբօ Պօղիկեան, Համազգայինի Արեւմտեան Ամերիկայի Շրջանային Վարչութեան ատենապետ՝ դոկտ. ընկ. Վիգ•էն Եագուպեան եւ իր վարչութեան բոլոր անդամները, Համազգայինի նախկին Կեդրոնական եւ Շրջանային Վարչութիւններու անդամներ, Համազգայինի մասնաճիւղերու վարչութիւններու եւ Միաւորներու վարիչ մարմիններու կազմերը, Համազգայինի բարձրագոյն շքանշանով պարգեւատրեալները, հրաւիրեալներ եւ աւելի քան հարիւր հիւրեր:

Բացման պաշտօնական բաժինը սկսաւ առաջնորդ սրբազան հօր աղօթքով, որմէ ետք օրուան հանդիսավար ընկ. Գէորգ Պետիկեան բարի գալուստի եւ շնորհակալութեան խօսքեր արտասանեց: Յանուն Համազգայինի Արեւմտեան Ամերիկայի ընթացաւարտ Շրջանային վարչութեան՝ ատենապետ դոկտ. ընկ. Վիգէն Եագուպեան նախ սրահը հրաւիրեց մէկ վայրկեան ոտնկայս լռութեան ի յարգանս նորոգ հանգուցեալ համազգայնական ընկերներու Գրիգոր Շահինեանի (Պէյրութ) եւ Լեւոն Գասպարեանի յիշատակներուն, որմէ ետք սեղմ գիծերու մէջ ներկայացուց իր ատենապետած կազմին, անցնող երկու տարիներու ընթացքին ձեռք ձգած յաջողութիւններն ու ու դիմագրաւած մարտահրաւէրները:

Ապա, յաջորդաբար ելոյթ ունեցան առաջնորդ Մուշեղ սրբազան, Դոկտ. ընկ. Վիգէն Յովսէփեան ընկ Սեդօ Պօյաճեան, պր. Գրիգոր Յովհանիսեան, որոնք բոլորն ալ վեր առին Համազգայինի եւ համազգայնականներուն այս առթիւ տարած մտքի, նիւթի եւ ժամանակի զոհաբերութիւնն ու միաժամանակ յայտնեցին իրենց դրական զօրակցութիւնը՝ մշակոյթի ծիրէն ներս Համազգայինի դիմագիծը վառ պահելու բոլոր աշխատանքներու իրագործման: Իր կարգին, Համազգայինի Կեդրոնական վարչութեան ներկայացուցիչ ընկ. Եդուարդ Մսրլեան ժողովին յաջողութեան եւ բարի երթի կոչէն ետք, մաղթեց, որ Համազգայինիը այս ափերուն վրայ առաւել կազմակերպուի եւ զօրանայ ու շարունակէ իր երթը, ի խնդիր մեր դարաւոր մշակոյթի պահպանման, տարածման եւ բարգաւաճման: Սրբազան հօր պահպանիչով եւ սեղանի օրհնութեամբ՝ վերջ գտաւ պաշտօնական բաժինը, որուն յաջորդեց հիւրասիրութիւն ինչպէս նաեւ պարգամաւորներու, պատկան մարմիններու ներկայացուցիչներու եւ հիւրերուն միջեւ մտերմիկ մթնոլորտ:

Ապա, յաջորդ օր, Շաբաթ, 21 Փետրուար, 2009ին կէսօրէ առաջ ժամը 11-ին, դարձեալ ՀՕՄի Կլէնտէյլի Շրջանային վարչութեան Կլէնտէյլի կեդրոնատեղի սրահին մէջ Համազգայինի շրջանի Ներկայացուցչական 15-րդ ժողովը անցաւ իր աշխատանքերուն մասնակցութեամբ Սան Ֆերնանատօ Հովիտի, Փասատինայի, Սան Ֆրանսիսքոյի, Օրէնճ Քաունթիի եւ Ֆրեզնոյի մասնաճիւղերու, ինչպէս նաեւ «Երաժշտական» «Արուեստ»ի, «Անի» պարախումբի եւ «Հայկական Աւանդոյթներ» ու միաւորներու վարիչ մարմիններու ներկայացուցիչներուն:

Շրջանային 15-րդ Ներկայացուցչական ժողովի 24 լիազօր ներկայացուցիչներու կողքին ներկայ էին նաեւ Համազգայինի Կեդրոնական Վարչութեան այս շրջանի ներկայացուցիչ ընկ. Եդուարդ Մըսրլեանն ու Սուրիոյ շրջանի ներկայացուցիչ ընկ. Վահէ Ժամագործեան, Համազգայինի Արեւելեան Ամերիկայի Շրջանային վարչութեան ատենապետը, Կեդրոնական Վարչութեան նախկին անդամները եւ 14 խորհրդակցական ձայնով հրաւիրեալներ եւ ընթացաւարտ Շրջանային վարչութեան բոլոր անդամ-անդամուհիները:

Ժողովը լսելէ ու քննելէ ետք ընթացաւարտ Շրջանային Վարչութեան երկամեայ նիւթա-բարոյական տեղեկագրերը, քննեց շրջանս մտահոգող բոլոր էական հարցերը, մասնաճիւղերը աշխուժացնելու եւ երիտասարդացնելու էականութիւնն ու անհրաժեշտութիւնը, այս առթիւ կատարեց իր գնահատումները, մատնանշումներն ու թելադրանքները եւ նորընտիր Շրջանային վարչութեան յաջորդող երկու տարիներուն համար ըրաւ առաջարկներ:

Ժողովի աւարտին, ընտրուեցաւ նոր Շրջանային Վարչութիւնը հետեւեալ կազմով.-դոկտ. Վիգէն Եագուպեան, դոկտ. Տիգրան Պապիկեան, Անիթա Հաւաթեան, Մանիշակ Մարգարեան, Օհան Օհանեան, Լիւսի Չուխաճեան, Ծովինար Ղազարեան- Մելքոնեան, Միրնա Տուզճեան-Տէր Յովհաննէսեան եւ Վիգէն Հապոյեան:

 
     
Home |  About |  Scholarship Program |  Calendar |  Archives |  Get Involved |  Collaborations |  Contact
© 2011, Hamazkayin, Western United States. All Rights Reserved.