Email Newsletter icon, E-mail Newsletter icon, Email List icon, E-mail List icon Sign up for our Email Newsletter






     

2008_80th_anniversary_celebration

 
Համազգայինի 80 ամեակի
ճաշկերոյթ, տօնակատարութիւն, պարգեւատրում

Համազգայինի Հայ Կրթական եւ Մշակութային Միութեան հիմնադրութեան 80 ամեակին նուիրուած այս տարուան յատուկ ձեռնարկներու վերջին՝ կազմակերպուած է ճաշկերոյթ, տօնակատարութիւն, պարգեւատրում:

Աւանդութիւն դարձած է որ ամեակներու նշման ծրագրուած ձեռնարկները իրենց աւարտին ունենան նաեւ հրապարակային տօնակատարութիւն մը, որուն ընթացքին յոբելենական այդ թուականը պատմութեան յանձնելէ առաջ առաւել եւս քանդակուի մարդոց, կամ նոյն միութեան անդամներուն եւ ներկայ եղող հասարակութեան մտքերուն եւ հոգիներուն մէջ:

Համազգայինի պարագային, դարձեալ գեղեցիկ սովորութիւն դարձած է, որ իր ամեակներու նշման հանդիսութիւններուն, արժանավայել կերպով իր բարձրագոյն շքանաշանով գնահատած ու պարգեւատուած է գաղութներէ ներս, տարիներու վաստակ ունեցող հայորդիներ, որոնք իրենց անսակարկ ներդրումով ու օրինակելի աշխատանքներով, մեծապէս նպաստած են նոյն այդ գաղութի հայ կեանքին եւ յատկապէս՝ հայ մշակոյթի բարգաւաճման եւ զարգացման:

Կիրակի 26 Հոկտեմբեր, 2008-ի կէսօրէ ետք ժամը 5-ին, Մոնթէպէլլոյի Ս. Խաչ Եկեղեցւոյ «Բաղրամեան» սրահին մէջ, տեղի պիտի ունենայ նման հանդիսութիւն: Հասցէ՝ 900 W. Lincoln Ave. Montebello, CA 90640. - Մուտք՝ $60.

Գեղարուսետական յայտագրին սիրայօժար կերպով իրենց բաժինները պիտի բերեն «Լարք» Երաժշտանոցի երգչախումբը, Համազգայինի «Անի» պարախումբը եւ հանրայայտ երգիչ Ռազմիկ Մանսուրեանը: Խօսք պիտի առնէ նաեւ Համազգայինի Արեւմտեան Ամերիկայի Շրջանային վարչութեան ատենապետ՝ դոկտ. ընկ. Վիգէն Եագուպեան:

Համազգայինի ընտանիքին համար նման նախաձեռնութիւն անկասկած, որ առիթ մը պիտի ըլլայ միութեան 80ամեայ գործունէութեան յաւելեալ ամրապնդման եւ նոր մթնոլորտի մը ստեղծման, ինչպէս նաեւ մեր ժողովուրդին առջեւ մեր յանձնառութեան վերահաստատման։

Այդ երեկոյ, յատուկ հանդիսութեամբ, Համազգայինի Կեդրոնական Վարչութեան կողմէ, իրենց անխոնջ նուիրումին եւ ծառայութեան համար, Համազգայինի Միացեալ Նահանգներու ներկայացուցիչ՝ ընկ. Եդուարդ Մսրլեան, Համազգայինի բարձրագոյն շքանշանով պիտի պարգեւատրէ տարիներու վաստակաշատ ուսուցչուհի եւ միութենական ընկհ. Գարմէն Տէր Կարապետեանն ու երաժշտագէտ եւ «Լարք» երժշատանոցի տնօրէն պր. Վաչէ Պարսումեանը:

Դարձեալ մեր ջերմ փափաքն է, որ մշակութասէր մեր հասարակութիւնը իր ներկայութեամբ քաջալեր հանդիսանայ, որովհետեւ այս ձեւով ան պիտի հաստատէ թէ ինք նեցուկ կանգնած է ոչ միայն հայ մշակոյթի բարգաւաճման ու սատարման աշխատանքին այլեւ՝ հայ մշակոյթի արթուն պահակի դերն ու պարտականութիւնները ստանձնող Համազգայինին եւ անոր բոլոր ծրագրումներուն, միաժամանակ յայտնելով իր սէրն ու յարգանքը օրուան պարգեւատրուող հայորդիներուն:

 
     
Home |  About |  Scholarship Program |  Calendar |  Archives |  Get Involved |  Collaborations |  Contact
© 2011, Hamazkayin, Western United States. All Rights Reserved.